პასუხი ბატონი ლავროვის უწყებას ე.წ. საზღვრების 48 საათით გახსნასთან დაკავშირებით

რუსეთის ფედერაციის საგარეო საქმეთა სამინისტროს

დსთ -ს ქვეყნების მე-4 დეპარტამენტის განყოფილების

უფროსს ბ-ნ ვ.ვასილევს

უღრმესი მადლობა ესეთი დადებითი პასუხისთვის, რასაც ნამდვილად არ ველოდით თქვენი მხრიდან და გვიხარია რომ კომუნიკაცია შედგა წერილობითი სახით.

ჩვენ ვართ ახალი შექმნილი პოლიტიკური პარტია, ამასთანავე ერთადერთი სუფთა ხალხის ძალა.

საქართველოს მოსახლეობისთვის აფხაზეთი და სამხრეთ ოსეთი დიდი ტკივილია იმის გამო რომ მოხდა ხალხის სეპარაცია. თუკი ოდესმე შესაძლებელი იქნება ამ ორი კონფლიქტური რეგიონის საზღვრების გახსნა და თქვენ ამ პრობლემის მოგვარებაში დაგვეხმარებით, დარწმუნებული ბრძანდებოდეთ რომ საქართველოს ისტორიაში ოქროს ასოებით ჩაიწერება თქვენი სახელები სამუდამოდ.

თუ თქვენ შეძლებდით ჩვენი თხოვნის შესრულებას  (ან ახლომდგომი  თქვენეული ვერსიის) არჩევნებამდე, ეს მოსახლეობისათვის იქნებოდა უმნიშვნელოვანესი გადამწყვეტი დადებითი სიგნალი თქვენი მხრიდან.

ჩვენ არ ვიცით რა შედეგს დავდებთ არჩევნების შემდეგ, ვინაიდან ჩვენ  ძალიან გვიან მოვახდინეთ პარტიის რეგისტრაცია და  ცოტა დროა დარჩენილი.. თუმცა დადებითი შედეგის შემთხვევაში ჩვენ ვიქნებით მომხრე რუსეთთან დიპლომატიური ურთიერთობის აღდგენის, და ასევე ეკონომიკური, სავაჭრო, კულტურული  ჰუმანიტარული საკითხების აქტივაციის.

კიდევ ერთხელ გიდასტურებთ თქვენი წერილის მნიშვნელობას, ჩვენი საერთო მიზნის ჩვეულებრივი ხალხისთვის კომფორტული, ბედნიერი და წარმატებული ცხოვრების შესაქმნელად.

იმედი გვაქვს საჭირო შედეგებს მივაღწევთ მოკლე პერიოდში.

პატივისცემით,

მოქალაქეთა პოლიტიკური გაერთიანება „შეცვალე საქართველო“-ს

თავმჯდომარე: გიორგი გაგნიძე

დოკუმენტის ნახვა